Hmong-Nplog Yuavtsum Sawv Khovkho

Kuv zoo siab thiab hawm txog tsoom Hmoob-Nplog hauv Wisconsin uas nej tau muab lub neej txojsia, nej lub tebchaw vajtse los pauv peb lub tebchaws. Nej txoj kev muaj peevxwm thiab sibzog rau lub sijhawm tsovrog Nyablaj tsim nyog kawg lawm uas nej yuav tsum muaj neej nyob tebchaws Ameslikas. Yog sawv daws pab, peb txoj kev sibkoom yeej muaj zog tsim kom tau ntau yam kablig kevcai los ntawm ntau pab pawg neeg los rau lub tebchaws no. Ua tsaug rau nej txoj kev pab lub tebchaws no.

Ua pejxeem Amelikas

Senator Feingold yog ib tug mob siab thiab saib taus cov Hmoob-Nplog thojnam uas tau siv siav siv zog pab lub ntiaj teb no. Nws yog ib tug pom zoo tsim txojcai qhib kev rau cov qub tubrog uas tau pab Amelikas thaum tsovrog Cobtsib, kom nkag tau los ua pejxeem Amelikas yoojyim. Nws yog ib tug pom zoo txhawb txhim kom President tsim txojcai rau cov Hmoob-Nplog uas nyiam txojcai nyob ywj siab thiab kom muab ib hnub ua hnub nco txog lawv tej txiajntsim.

Neeg thojnam thiab kev tawmtsam txojcai uas siv "Lus Askiv nkaus xwb"

Peb ua haujlwm ua-ke tivthaiv cov neeg phem uas tuaj tsimtxom peb lub tebchaws, Senator Feingold yuav nrog saib xyuas kom tseemfwv cov tub ceevxwm ua lawv txoj haujlwm ceev peb ciam dej ciam av thiab saib txoj cai uas cov neeg txawv tebchaw tuaj siv rau peb kom tseemceeb ntxiv. Tshaj nov, Senator Feingold yog tus tawmtsam txoj cai uas yuav tsum siv lus "Avkiv nkaus xwb" ua cov lus lajkam, rau qhov nws pom hais tias lwm hom lus thiab lwm haiv neeg tej kev lim kevcai coj tuaj txhawbtxim Amelikas lub neej thiab.

Kev kawm txujci

Senator Feingold yog ib tug nrog tsim txoj cai "Tus Npausuav" pub rau cov menyuam uas tuaj nyob rau U.S no tau ntev loo lawm, thiab tabtom thov ntaubntawv nyob mus, kom muaj feem tau nrog luag kawm txujci rau theem College. Tshaj qhov no, nws yog ib tug uas pom zoo kom muaj kev qhia lwm hom lus nyob hauv tsev kawm ntawv, pub muaj kev pab cov niam cov txiv uas tsis paub lus Askiv and thiab muaj pab cov tub ntxhais hluas txomnyem uas nyuam qhuav mus pib lawm College thiab. Snator Feingold tseem yog ib tug pom zoo kom tsim muaj kev kawm hais lus Askiv rau cov neeg laus rau ib cag. Nws tseem txhawj txog qhov uas txhua tus yuav tsum tau xeem kom dhau cov test rau ib cag thiab.

Kev kho mob nkeeg

Txoj kev kho mob nkeeg nyob Amelikas yog ib txoj uas nyuaj siab ntsuav rau txhua leej yog li ntawd peb yuav tsum tau rov kho dua tshiab. Senator Feingold tau cog lus tseg hais tias yuav kho kom txoj kev pab phab kho mob nkeeg no zoo dua thiab kom txhua leej tau txais kev pab ib yam nkaus. Nws xav hais tias txhua leej yuav tsum muaj ntawv kho mob tsis hais tus tau nyiaj ntau los tau nyiaj tsawg, tus nyob yajsab los yog nyob hauv nroog. Tej ntawv kho mob no yuav tsum muaj rau txhua leej neeg Amelikas tibsi. Nws yog tus tawmtsam tsis pub txiav Medicare, nws ntseeg hais tias yuav tsum muaj nyiaj pab them nqi kho mob rau cov muaj Medicaid, nws txhawb txhim txojcai rau cov neeg mob kom muaj feem tau nyiaj yuav tshuaj pab rau cov neeg laus. Senator Feingold tseem yog tus thawj ntawm cov Senators tsim kom muaj txoj cai rau cov neeg txomnyem tau txais kev kho hniav thiab.

Kev Pauv Lagluam Nrog Nplog

Senator Feingold kev txhawj xeeb vim tej ntaub ntawv paivyi (reports) qhia tias tsoomfwv Nplog yeej tsis coj noobneej kev ncaj ncees, lawv niaj hnub tsim txom tsoom lajmej pejxeem. Vim tej teebmeem no, ntseeg hais tias tsis tsim nyog Asmelikas yuav muab kev pauv lagluam (NTR) rau tsoomfwv Nplog. Tsoomfwv Nplog yuav tsum fwm, coj thiab muab noobneej kev ncaj ncees rau nws cov peebzeej pejxeem txhua tus. Senator Feingold twb tso xov rau tsoomfwv Nplog kom tso cai rau cov koomhaum coj noobneeb kev ncaj ncees uas nyob txawv tebchaws mus ncig kom txog qhov txhua chaw uas muaj Hmoob thiab lwm pab neeg tsawg nyob, tso kev ywjpheej rau lawv mus ntsuam xyuas tej chaw kaw neeg, tso cov neeg raug txim vim lawv txoj kev ntseeg los sis vim lawv yog qubneeg tuav dejnum yav neej dhau los. Senator Feingold tsis pom zoo muab kev pauv lagluam rau tsoomfwv Suav vim Suav muaj tus teebmeem zoo li Nplog thiab nws yeej tsis pom zoo muab kev pauv lagluam rau tsoomfwv Nplog mus txog hnub Nplog coj noobneej kev ncaj ncees los hais kom meej.

Neeg kev nyob fwj siab, muaj vajhuam sibluag txawm yog nqaij tawv txawv

Tom qab September 11, 2001, Senator Feingold yog thawj tug US Senator uas tsis pom zoo siv txoj cai uas luag hu tias USA Patriot Act, uas yog ib txoj cai tsis pub qee leej muaj vajhuam sib npaug raws li US txoj cai tshwjhwm. Nws ntseeg tau tias, txawm yog sijhawm no Amelikas tabtom tawmtsam cov neeg phem los nomtswv yuav tsum ceevfaj zoo tsis txhob lam ua rau txhua leej txoj kev ywjpheej li Amelica puas. Nws ntseeg hais tias txoj cai rau txhua tus Amelikas muaj vajhuam sib luag yuav tsum ceev tseg kom ruaj khov, txawm yuav yog haiv neeg twg, coj kev ntseeg hom twg, tuaj qhov twg tuaj thiab daim tawv zoo li cas los xij. Thaum kawg nkaus no, Senator Feingold tseem tsim kom muaj ib tsab cai txiav kev txog qhov sib cai vim daim tawv txawv, yog leej twg saib daim tawv ua qhov phem tus ntawd yuav tsum hais rau tub ceevxwm paub. Qhov n o yog ib txoj kev tshiab rau txhua leej txhua tus.

Txojcai txo nyiaj Welfare

Senator Feingold ntseeg hais tias txhua tus uas tau txais nyiaj pab ntawm tseemfwv yuav tsum mus ua haujlwm thiaj li txo tau txoj kev thovkhawv, rau qhov peb txhua leej muaj cuab kav pab cov neeg uas tau thov khawv noj yav dhau los kom lawv lub neej txomnyem hloov mus ua lub neej tshiab. Cov uas tabtom npaj siab yuav tawm hauv kev thov khawv noj mus ua haujlwm, yuav tsum tau txais kev pab nyiaj zov lawv cov menyuam, kom lawv muaj tsheb mus los, thiab muaj chaw rau lawv kawm ua haujlwm, tej no yog yuav tsum muaj kev kawm hais lus Askiv rau cov tsis paub lus tibsi.

(Click here to read this page in English)

Read More

Senators call for more funding, (WisInfo.com, June 25, 2004)

Help resettle Hmong refugees, (Wisconsin State Journal, June 15, 2004)

More Hmong resettlement funding is requested, (Green Bay Press-Gazette, June 3, 2004)

Hmong refugees find new hope, (Capital Times, March 26, 2004)